الإنسانية بالقلوب
ملهاش دعوة بفرن طوب
أو ناس زمان أو أهل غيوب
الزمن مااختار المزايا والعيوب
كل زمن له هابيل وله قابيل
وابن سلول وبثينة وجميل
ليل ونهار وشتا وحر نار
ملح اجاج ومزاج سلسبيل
ليه عايزنا نرجع بالزمن
عايزين قلوب تقدر التمن
لا بيشغلها الملايين
وعينها دايما ع الكفن
لا ده أهلا بالزمن
وايام حرها مايحتمل
تصهر قلوب البني ادمين
ونعرف بيها الظالمين والمتقين
ايمان محمد Eman Mohamed
ليست هناك تعليقات:
إرسال تعليق