من دفاتر شهر رمضان..
صايم والأكل قصاد عيني.. والمدفع جنن لي سنيني.. لاهو عاوز طلقاته تجيني. . ولا ناوي يرد على أنيني. صايم والأكل قصاد عيني!! طب أيه اللي جرالك ياسي مدفع..؟! كنت بتضرب.. كنت بترقع.. وبسرعة نقوم بأذان نرفع.. وأجري ع الأكل بماراثوني.. صايم والأكل قصاد عيني!! مايكونش المدفع ليه بايظ..؟!. . مش عاوز يضرب.. مش عايز!! أو قالوا نلغيه.. برضك جايز.. ياخراشي دانا يجين جنوني!! صايم والأكل قصاد عيني. مايكونش العسكري ليه نايم..؟!.. قالك تعبان واقف صايم.. أديها تعسيله.. وراح عايم.. ف النوم واهو باعني ونسيني!! صايم والأكل قصاد عيني!! ما يكونش العسكري راح حته.. بعدين م رجعش نسي السكة.. ولا المدفع أكلته عتا..!! ليه يا عتا كده؟! كده تأذيني؟! .. صايم والأكل قصاد عيني. (في بكاء) أرحمني يامدفع أبوس عجلك. . أضرب والله أنا بحبك.. دانا نفسي أتصور يوم جنبك.. ياللي أنت كارهني ورميني..!! (في بكاء أشد) صايم والأكل قصاد عيني.. صايم والأكل قصاد عيني.. (في بكاء وتوسل) أضرب بقي!! أضرب بقي!! تحياتي.. ينتظر معكم المدفع. الشاعر والمؤلف. : حسن عمران. رمضان 2016
ليست هناك تعليقات:
إرسال تعليق