دفاتر قلبى
===========
عونى هشام
===========
===========
شغلت قلبى عليك
فتحت. انا الدفتر
شفت دمع عينيك
بكيت انا اكتر
تعال يا محبوبى
راسمك على توبى
قرب. وسمى الله
دا الفرقه بتبعتر
القلب ملك ايديك
كفايه اطوف حواليك
طب قول لى ايه يرضيك
لو عمرى. ما استخسر
الحب عشته معاك
وف كاسى شفت هواك
بعينى. انت ملاك
وفى الصوره تتمخطر
دايما. بفكر فيك
وبالى مشغول بيك
اسهر ليالى اناديك
ليه بس تتاخر
..................
...شغلت قلبى عليك....
.....فتحت انا الدفتر....
...................
طيفك هنا معايا
فيه. املى ومنايا
نويت عليك الصوم
وبضحكتك افطر
لو ناسى انا فاكر
ولدفترى. مذاكر
هتمشى خدنى معاك
خايف. لتتعثر
العش. رح نبنيه
والرمش سور حواليه
تعالى ضمنى فيه
وبنفسك اتعطر
من ورده على خدك
مين فى الوجود ادك
اروينى من شهدك
نفسى ف يوم اسكر
حيرت. قلبى معاك
روحى ماشيه وراك
والعين غلبها الشوق
لنظره. مش اكتر
.....................
شغلت قلبى عليك
فتحت انا الدفتر
.......................
——————
ليست هناك تعليقات:
إرسال تعليق