لساني باسأل غيبت ليه يا نهار
و ازاي نسيتني و الظلام دامس
عمال بانادي و الدموع انهار
و تملي جنبك بس مش لامس
فاكر و ربي لما كنا زمان
ف الصبح نلعب و البشر نايمين
نتمشى حبة و الايدين اخوات
و عيوننا تضحك و احنا مش خايفين
نحكي الحكاوي اللي فيها الخير
و عيال معانا فرحهم ما خافيش
ف بنات تعدي يضحكو بضمير
و انا و انت دايما كان أملنا نعيش
لا قدرنا نفضل زي ما احنا عيال
و لا عارف احلم اني فيك و معاك
كل اللي عايشه ذكريات و الام
و سنين بتجري ٠٠٠ و لسه باستناك
ليست هناك تعليقات:
إرسال تعليق