داخل حدود الوطن
=========
داخل حدود الوطن
تايه مليش عنوان
لقيت فتاوى بفتن
ووشوش كما الغربان
تفتى تزيد المحن
وكلام بدون اوزان
ياكارهين الوطن
ملكوش مابينا مكان
داخل حدود الوطن
مش لاقى اى حدود
احكى وقول يازمن
ليه الطريق مسدود
الفوضى غطت مدن
والحقد ليه بيسود
ضميرنا راح واندفن
معرفش امتى يعود
داخل حدود الوطن
احوال كتير فينا
كنسيه بيد جامع
واحمد مع مينا
فلاح واقف ف ارضه
وبعزمه مدينا
مسئول دايما يعارضه
بقرار يعادينا
داخل حدود الوطن
الناس عكس عكاس
الفوضى ف كل حته
ووجاهه بدون اساس
عركه ف كل حاره
والضرب بالمداس
اخلاق كسره الاشاره
وعقول ضربها ماس
داخل حدود الوطن
مريض محتاج علاج
راح للطبيب يداوى
طلع الطبيب حلاج
شخص حاله تانيه خالص
ودواه لا يطاق
راح المريض فى توهه
ولحد اليوم مافاق
داخل حدود الوطن
الرشوه والفساد
موظف ييجى يمضى
ويمشى قبل المعاد
والناس حالها واقف
اصل الاستاذ ماعاد
وزميله يشخط فينا
فين حبك للعباد
داخل حدود الوطن
حكايات تقول حكايات
زحمه ماشيه فى زحمه
وتهنا فى الحارات
شوارع لخبطيطه
سلام يقولك هات
كنت مسنود بحيطه
جه ابويا السقا مات
داخل حدود الوطن
============
ليست هناك تعليقات:
إرسال تعليق