"بلاها جواز وتأهيلة" قصيدة صعيدي.
شعر : حسن عمران.
بحبك بس أنا مفروس.. أبوكي جال طالبها فلوس!! بيتكلم ف تلاجة.. وسجادة عليها ندوس.. طب أشبعي به أبن الفرطوس!!.. ماهيش بيعة ولا شروة.. ولا مضاربة ولا ثروة.. وأنا لا ثروة ولا حولة.. وعشت أكده بلاها فلوس.. أبوكي جام مزاد ليكي.. وطالب ياما ف أيديكي.. وف عنيكي ورجليكي.. وحوسة وخلا عجلي يحوس!!.. مانيش عاوزك كده خالص... جولي له إني مانيش وارث.. لكن مجدع.. لكن فارس.. وعرض مرتي أكون حارس.. ويسأل عني أبن عروس.. شاعروبحوري ماليها.. وعزة نفسي أعيش بيها.. كرامتي تاج وحاميها.. ولا وطيت ليد أبوس.. بلاها جواز وتأهيلة.. وعندي ف فكري مية حيلة.. وألف عروسة وبديلة.. وتتساوي حدايا الروس.. شفيجة ذي فرهودة.. وشجرا ذيها السودة.. وليكي خلاص مافيش عودة.. يابت أبو عَجل بات فسفوس!!
مانيش عاوزك وبلاكي.. وانا مقدرتي أنساكي .. يغور الحب وهواكي.. وانا عارف أنا دواكي.. بلايا الكون ده كله يغيم.. وعقلك ولا يبقي سليم.. تشوفي امك مكان بوكي.. وابوكي يغني ذي حليم.. جولي لهم يدي منفوضة.. وانا لعشقك بلا عودة.. وح انسي حكايتك السودة.. ويتولاني رب عليم..
سلامي وحبي للبابا..
جولي له الفعل بخيابة..
وميتي القرش كان بيقيم..
سعادة نفس وطيابة؟!..
وميتي القرش كان بيقيم.. سعادة نفس وطيابة..؟!
الشاعر والمؤلف والكاتب والناقد
حسن عمران
ليست هناك تعليقات:
إرسال تعليق