*==0==**( شو بيقشعو )**==0==**
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
سمعت النجم بالليل بيحاكي
القمر
**0** شو بيحملو حكايات هالحديث تبادلو
ياترى ؟؟ واول سؤال عابالي
خطر
**0** شو بيقشعو بهاك الليل لو يتجولو
---------
بيقشعو ختيار للغالي عابوابو
نطر
**0** وغنجة صبية بتلعب بشعرا الحلو
بيقشعو الحلوة عالبحر بتمد
النظر
**0** كيفو حبيب الروح للموج عم تسالو
سالو ياموج بس مني شو
بدر
**0** عافرقتو مابنام ماعاد فيني احملو
بيقشعو ام سهرانة ع ابنا
فتّر
**0** ماتنام كل الليل تحضنو وتقبلو
وعسكري بيحمي بلادو من
الخطر
**0** واجب الخدمة شرف بدو يكملو
بيقشعو شب ابتلى بسيكارة
خدر
**0** وخيو بالقمار غراض بيتو شيلو
بيقشعو سرّاق بعتمة الليل
انستر
**0** واطفال اليتامى الفجر بكرو يتسولو
عالشمع راهب صومعة لاربو
نذر
**0** وشيخ يرفع اذانو للصلى ماجملو
وفران بكّر عاخبزو عالنجمة
حضر
**0** وعمال النضافة عالمكنسة يتبادلو
قديش بيشوفو حكايا وفي
صور
**0** لابيسالو شو صار ولا شو بتعملو
الدني كلا هموم اصحو
يابشر
**0** خلو المحبة سلاح بيكفي بقا تتقاتلو
ليل وقمر ونجوم ومعزوفة
سهر
**0** وقديش في عشاق عالقصيدة تمايلو
ياليل شو بتشوف علمنا
العبر
**0** ياشريك حرف الشعر اوعى تزاعلو
---------------------------------------------
صباحكم حكايا وصور
مساؤكم طلة قمر
اصدقائي
صباح
الفل
.......................................................
الشاعر السوري المهجري ... د اليان سمعان
سفير اكاديمية السلام العالمية في المانيا
مكتب كاليفورنيا الولايات المتحدة
ليست هناك تعليقات:
إرسال تعليق