(( عمى المسحراتى ))
-----------------------------
إصحى يانايم إصحى ياشاطر
لا يمها احسن واجرى وشاطر
جارى وجارك وإرضى الخواطر
الدنيا فانيه والعمر ساحر
ساحبك وطاير خطاك وساير
إحسبها تانى وإياك تكابر
ربك كبير سامحك كتير
إنفد بجلدك من يوم عسير
إصحى وفوق نومك خطير
إكفل يتيم رد الجميل خليك بصير
صلى فروضك واذكر لموتك
ماتسبشى حسنه لحظه تفوتك
بشراك ياصايم ويلك يافاطر
لو راح زمانك ومازلت غافل
تدور عا القهاوى وفرضك تماطل
سهران فى غورزه وغرقان فى لذه
والناس فى غزه دماها سايل
إصحى ياداير فى الدنياحاير
وكفايه شرب ميه وسجاير
إصحى يا غافل خلص الكلام
وإدعى معايه ساعة الفطار
رب العباد يحفظ بلادى
وكل العباد اصحى يانايم
واحد الرزاق
،،،،،،،،،،،،،،،،،،،،،،،،،،،
بقلم عادل دبل /4 رمضان
ليست هناك تعليقات:
إرسال تعليق