حديد تسليح
******
حديد تسليح
بدون تجريح
وﻻ كلمه تكون وﻻ بد
وهابنى بيتى وﻻ اهد
مدينه فى آخر الجبله
وليل ما عنده وﻻ فكره
بانى تعبت
وعيشه خلاص مش بتمد
وحيلى اتهد
وازاى أﻻقى مستقبل
وارفض حالى وﻻ أقبل
منا مغصوب
وﻻ أملكشى غير التوب
واهى حاجه
يدوب تدارى العيب
وراسى كمان ضربها الشيب
وأسكت وﻻ أتكلم ما تفرقشى
عيونى كمان من الزحمه ما بتنامشى
يا ورد جناينى عنديهم ما تطرحشى
زهقت الكد فى الصحرا
ولون بالغبره والضلمه
ف ليل ما يقولشى وﻻ كلمه
شبابى يضيع
فى سكه آخرها قحط وجوع
وهتكلم وهارفض كل شئ سلم
وهتعلم أقول كلمه
لو آخر كلمه هنطقها
*******
عمرو تمساح ابوسفيان
ليست هناك تعليقات:
إرسال تعليق