( محمد حبيبى )
؛؛؛؛؛؛؛؛؛؛؛؛؛؛؛؛؛
حبيبى يا محمد . حبيبى يا نبينا
قلوبنا بتسعد . لما سيرتك تجينا
قلوبنا ليك ....... تهفهف
وروحنا عليك .. ترفرف
والشوق مليان مطفطف
لحبيبنا ... ونور عنينا
حبيب قلبى وتاج راسى
ومالى الروح ونبراسى
ياشط القلب ليه راسى
يانور بعته الكريم لينا
بيهدينا لطريق ... النور
يبدل كل حزن ... سرور
وانا اللى ف الغرام معزور
عاشق سيدنا الساكن فينا
انا اللى قلبى فيه بيدوب
وعشقه ف قلبى دا المكتوب
وانا قلبى ... ما عمره يتوب
عن اللى ذكره ..... بيداوينا
صلوا عليه
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
المحب لسيدنا . محمد الشاذلى
ليست هناك تعليقات:
إرسال تعليق