فين الازمه
============
انا عايش ومش عايش
عشان كاتم فى. نفسى الصوت
انا انسان. عايش. حرمان
ساتر. روحى. بورق. التوت
انا فى الطير معنديش ريش
لا بعرف رشوه. او بقشيش
وسارح ...يومى. على حبه
.......تفك ...........القوت.........
انا شجره. تظل. الناس
وفى شجرة. غزلها. خيوط
انا. ماضى. وعندى. تاريخ
ورسمى فى الكتب منحوت
بقيت حاضر لكن فكرى
......ماهوش ..........حاضر.......
وفاكر. الجبه والنبوت
انا ساقيه ومن غير ترس
مليش لازمه والزمن. بيفوت
ناس لايصه. وناس هايصه
بهز الوسط فى الحجر. بتفوت
بقيت تايه وعايش ٥٠٠ ازمه
.......بكد ........نهارى............
مش عارف اجيب سحتوت
فضلت لوحدى ف الدنيا
وفكرى. كل يوم بيموت
كتمت شكوتى ف نفسى ودمعى
فى العيون مكبوت
بقيت سجان على عقلى
وحابس فكرى جوه تابوت
عشان صوتى. علا مره
شربت. كاسات. كتير. مُره
نسيت. نفسى. وعمرى. يفوت
رجعت اكتم فى احزانى
وصاحبنى. الالم بسكوت
نسيت. حرفى. طلع بره
قالولى. تستحق الموت
وناس طباله. زماره
صوتها. تقول. دا فى غاره
بقى اسمه. البيه. والتانى
نسى انه كان يلم نقوط
===========
ليست هناك تعليقات:
إرسال تعليق