أنا ف إنتظارك
**************
أنا ف انتظارك تتصل
وتقول لقلبى إنك هنا
وللا أنت عاوز ننفصل
ويدوق عذابك قلبنا ؟؟؟
ليه كل ما أفرح بالهوى
وأحلم نكون ف الكون سوا
ألقى كاسات مُر الجوا
تعشق تمرر حلقنا ؟؟؟؟
ليه كل ما أرسم بالأمل
بكره اللى جاى يضمنا
تسبق دموعك والزعل
فرحة عيونى بحلمنا ؟؟؟؟
ما تقول لنا .. إيه ذنبنا
يا اللى إنت غايب عننا
ذنبى انى بعشق ضحكتك
من كام سنه
ومنايا تبقى محبتك
ليا أنا
ذنبى انى باأسقيك الهنا
وانت بتسقينى الضنا ؟؟؟؟
ما تقول لنا إيه ذنبنا
تفضل هناك واحنا هنا
ما تقول لنا ....ياعُمرنا
مش راضى ليه تسمع لنا
ولا راضى ليه ترجع لنا
مين غير عيونك والأمل
يقدر يطمن قلبنا ؟؟؟
أنا ف إنتظارك تتصل
وتقول لقلبى إنك هنا
يا تقولى ايه اللى حصل
خلاك تفارق حُضننا ؟؟؟
*****************
رضا أبو الغيط
ليست هناك تعليقات:
إرسال تعليق