أسير حبك ..... للشاعر / حسن السحماوي

أسير حبك ..!

..........

لما خدتنى اللهفة اشوفك ..

كنت أنا شايفك قبل مااقبلك .. 

جوه فى قلبى مشاعر روحك ..

كنت أنا حاسك ..

صوتك كان بيشدنى ليكى ..

مافهوش خوفك .. وقتها بس ..

إتمنيت اتعلم منك 

أمتى يكون للقانا معادك . 

أول لحظة ااسجل فيها حلم ميلادك 

بس حقيقى كان إحساسى فى خوفى أنا منك ..

أكتر من إحساسى لهمسك .. 

أصل أنا يأسى كان ملازمنى .. أكتر منى 

كنت اتحايل على أحلامى .. وقت منام ..

أبقى فى سماء مليانه نجوم ..

وأنت القمرة الساكنة سمايا ..

وقت السهرة .. فى يوم معلوم ..

يبقى حقيقة امرى معاكى ..

وقت لقاكى .. لما اعيش وسمايا بتضحك .. 

فارشه الليل بضفاير همسك .. 

كان يسبقنى الشوق لحنينك .. اكتر منك ..

وأما قابلتك كنت باعد دقايق وقتك لجل ماشوفك .. 

جيتى فى وقتك ..

أول مرة احس بصوتك وايا ملامحك ..

قلبى الساكن جوه فى جنبى ..

فى سنين عمرى سابنى وراح لك ..

حتى عيونك سحرو عيونى .. 

لما خدونى .. برهان رمشك ..

ماتوقعتش إن أنا ممكن ابقى رهينك .. 

لما أحس بأن أميرك .. أصبح بعد الحب أسيرك ..!

..................... شعر .. 

حسن السحماوى ..