قصيده « بتهرب ليه »
بتهرب ليه
من الفرحه
لوفتحت عينيها
شفتك جتلك بالطرحه
رقصت قلبك علي غناويها
بتهرب ليه
............. ...........
مدت ايديها ليك
بتنادي عليك
لو كانت زعلتك في يوم
اهي جت ترضيك
بتهرب ليه
.....................
شيل الغشاوه
من علي عينيك
الدنيا بتحب الجدع
اللي لما تصالحه وتلاغيه
يعملها بحنيه وينسي الاسيه
صدقني مش هتفرط فيه
بتهرب ليه
..........................
لو كنت ناوي علي البعاد
هتسكن فين ؟
وتهرب من مين ؟
دي حكمه من رب العباد
اصبر شويه بلاش عناد
تلقي في اليوم الجديد
الحكمه ظهرت وأنت كنت عبيط
بتهرب ليه
..........................
لو يوم مكتوبلك تكون حزين
او شايل الطين
افتكر الاخره ويوم الدين
والحلم الوردي في جنه عليين
تلقي كل الصعب هان
والقلب الخاين
من حب الله بقي مليان حنان
بتهرب ليه
خليك هنا جواها
اوعي تزعل منها وتنساها
الدنيا حلوه يا محلاها
فتح عينيك واهواها
انا خفت منها
هتغدر بيك
ولو جدع
خليها تاني تثق فيك
بتهرب ليه
الدنيا شابه بتحب الدلع
انسي معاها الوجع
لو يوم وجعتك
هتيجي الصبح
تصالح فيك
وياعيني علي الصلح
اما تكون راضيه عليك
بتهرب ليه
.....................
.....................
عبير حكيم
ليست هناك تعليقات:
إرسال تعليق