بتاع الفول
———-
دمعتين عالخد جريوا
لما صورتي السنين
الصور الوانها باهته
تصحي بالشوق والحنين
لما كان بيغني لحنه
الجرس معلقته صحنه
كان له رناته الجميله
كان بقرش يكفي عيله
كان في بقه سنه فضه
كات عيونه خضرا قطه
الا لو دندن وغني
يا عوازل فلفلوا
الحباش معجون بشطه
عندي فول بمخلله
والا لويتوصي حبه
والا كات زبونه شابه
فجأه تلقي الضحكه طبه
والخدود اتهللوا
عم عبده كان عجوز
كان بيضحك زي فجر
طل من قلبه النهار
كان يقهقه بإنهيار
كانت الدنيا عمار
عم عبده يوم ماجاش
حرمنا م الفول والحباش
هو مين ف الدنيا عاش
غير يادوب سيره وجميله
ليست هناك تعليقات:
إرسال تعليق