خاطرة
~~~
كلميني واحكي عن عمري
إللي فات
فهميني فين طفولتك
فين براءتك
والملامح للسعادة
دي اختفت
ويا الاهات
أنا شايفه حد في المرايه
أنا معرفوش
ممكن تقولي إنتي مين
كل اللي شفته هروب سنين
وساعات تمر
بتخطف الضحكة البريئة
نفسي في هروب من دنيتي
واعيش في حضن الذكريات
أنا نفسي أوقف الزمن
عند الطفولة
وانسى سراب للكدب
عايشينه بسهولة
وقفتي ليه قدام عنيا وتدمعي
ممكن تحاولي تسمعى؟
أنا تهت منك من زمان
فبلاش تحاولي ترجعي
~~~~~~~~~~~~
شعر///
محمد عباس أبو عمر
ليست هناك تعليقات:
إرسال تعليق