رمضانيات
******
ياشهر طيب .والخير ..مليك
عمرك قريب والرحمة... فيك
أيام جميلة... وليالي.... حلوة
ويوم م تظهر نشتاق.... اليك
بالتمر توتر وبسرعة..... تفطر
وبوق ميه ....تلقاه..... مسكر
اجرح صيامك والحق قيامك
الحق ياصايم .......الله اكبر
ياعرقسوس( شفا.... وخمير)
التمر هندي ....منك..... يغير
والصوبيا تايه وسط الحلاوة
مع أن فيها .....سكر..... كتير
وزلابية سكر عسلها ...سايح
تقوم وتعزم كل.. اللي.. رايح
خد لك شوية أجبر. بخاطري
ح تجري ريقك أجمل روايح
قراصية جايه ..ومعاها تين
مشمش ودايب... قمر الدين
خشاف ملوكي وزبيب بناتي
مظبوط عشان كل الصايمين
كنفاني صابر يفرد ....بأيده
كنافة بلدي ...شاكر لسيده
لا همه آلي ولا غيره يطمع
ف غير كنافة تعجنها أيده
م الكوز بتنزل أجمل قطايف
تدوب وتفرح... لما الشفايف
تاكلها قطمة من.. بعد قطمة
بس الصوابع ...عليها خايف
يامسحراتي ع. الطبلة دندن
اصحي ينايم بصوت يسلطن
فانوس صغيربشمعة واحدة
شهل شوية.... فجرك ح يدن
ياشهر طيب... والخير مليك
عمرك قريب ....والحب فيك
ويوم م ترحل ....يهل عيدك
والرحمة تكتر.. وشوقنا ليك
ياشهر طيب
من ديوان (حرير الروح)
محمد السنهوري
ليست هناك تعليقات:
إرسال تعليق