أنا المصرى
***
وانا ف صغرى ..
طويت عمرى .. وقدمته فدا بلدى
فى يوم ماقالت لى فى رمضان
واحشنى النصر ياولدى ..
وانام الليل .. تناجينى
واصحى الصبح تنده لى
نداها هز وجدانى
وزلزل كل اركانى
ساعتها الغالى ضحيت بيه
وهان مالى .. وهان سندى
هدرت بقوة الطوفان ..
عبرت المانع المائى
وبإيديا .. وعون الله
نسفت الساتر الرملى
محيت م الدنيا أسطورة ..
إيدين طايله .. وخط غرور
كتبت بدمى فوق سينا ..
على الرمل بحروف من نور
هنا قبر اللى حايفكر ..
يدوس بالغدر فوق أرضى
بقيت للحرب .. وفنونه ..
علامه فوق جبين عمرى
ساعتها الدنيا بصت لى
قالت : هو دا المصرى
هو دا المصرى ..
ليست هناك تعليقات:
إرسال تعليق