طمنى عليك
***********
طمنى عليك وكفايه
تكدب وتدارى عليا
مش كل يومين بحكايه
وعيونك تسرح بيا
شمت ياواد عُزالى
وشغلت بكدبك بالى
لا بتسأل وتقول مالى
ولا راضى ترد عليا
تليفونك ليه مقفول
وان رد يقول مشغول
يا تقول للليل مايطول
يا هقولك باى يا عينيا
يا أبو قلب بطبعه أنانى
هاأنساك ليوم تنسانى
وان جيت يوم تترجانى
مش هاانسى عذابك ليا
د القلب اللى إنت جرحته
مش ناقص تانى آسيه
وان قال لى القلب سامحته
الحق هيبقى عليا
*******************
رضا أبو الغيط
ليست هناك تعليقات:
إرسال تعليق