عباد شمس انا لشمسك
وفي حبك انا مأسور
ولو كسروا كل حيطان سجنك
حبنيها واعمل مليون سور
لا انا حبعد ولااسيبك
وقدري اكون ليكي منصور
ماانا الساقية لارضك
ولا ارضالك بنيل محسور
مانتي حبيبتي وانا حبيبك
ازاي ابعد واقول دستور
وانا رهنك وقدرك
وساري لعلمك الجسور
تعيشي حرة بارضك
ما خلاص قطعنا البسبور
واللي ينوي علي غدرك
يلاقينا بحر مسجور
بس ليا طلب عندك
لما اجدف ماتديني جناح مكسور
ده خاطري هو من خاطرك
فبلاش تكسري المكسور
وراعيني ده انا ابنك
ونفسي اكون فيكي مجبور
اوعي تتخلي عن قلبك
وانا ليكي طاقة نور
ليست هناك تعليقات:
إرسال تعليق