يا حلاوة بختنا
زرعنا خيار كتير
و تملّي الطرح كوسه
وعشآنَا ياناس فطير
من غير سمنة جاموسة
نشرب عصير فريش
والميّه معدنية
وبقينا بـ ألف وش
كومبارس بدور ضحيّه
الفرحه كتير ولكن
تايهه مننا
والوش سماره داكن
و غابت شمسنا
مستورد مالي سوقنا
وغايب عقْلِنا
وتملّي واخدنا شوقنا
نساعد ضدّنا
والضد معاه حبايب
وبيصنع أكْلِنا
ومعاه الهدمه جايب
ياخسارة قُطننا
طب سوقنا ياعم سوقنا
و ابعدنا عننا
واقلب تحتينا فوقنا
ياحلاوة يابختنا
ليست هناك تعليقات:
إرسال تعليق