ابتهالات رمضانية ........... للشاعرة / إيمان ذهني

 

أبتهالات رمضانية 

يارب.. 

يارب محتاجلك 

محتاج افضفضلك 

ف سجودى بدعيلك

من قلبى بشكيلك 

حُبك ملي قلبى 

خيرك مكفينى 

لكن .. 

لكن اقول لك ايه

الحزن مالينى 

قوينى .. 

قوينى ياربى 

ساعدنى واهدينى

داوينى من جرحى 

من فيضك أسقينى 

يارب ..

يارب انا إنسان 

محتاج لبر أمان 

خايف .

خايف من الايام

تاخد ما تدينى 

من عين حاسود غدار

أنصفنى..

أنصفنى واحمينى 

يارب ..

يارب يا رحمن 

ياحافظ القران 

أفتح لنا بابك 

وخدنا ف رحابك

بحق شهر كريم 

فيه القلوب بتليين 

زينه بتتعلق 

فوانيس بتتفرق

أطفال بتسعدنا 

واللمه ..

واللمه ع السفرة 

بين اهلىِ والصحبه 

إنشاد ...

إنشاد بيشجينا 

قرٱن ..

قرٱن بيحمينا 

ليلة ..

ليلة وفيها الخير 

تمحى معاصينا

أيامك الحلوه 

عشرة ..

عشرة فيها رحمه 

والتانية مغفرتك

والتالتة تعتقنا 

ف النار ما ترمينا 

يارب يا رزاق 

من خيرك إدينا 

وبماءك اروينا

يارب ياغفار 

برحمتك ستار 

حبب جميع خلقك 

وشفيعك المختار 

وملايكة الرحمَن

فى عبدك الإنسان 

ياااارب... 

يااارب أنا ندماااااان 

وانت غفور رحمان 

وانت غفور رحمان
..........................

إيمان ذهني