( حلقات عمى المسحراتى )
،،،،،،،،،،،،،،،،،،،،،،،،،،،،،،،،،،،،،،
إصحى يانايم وحد الدايم
إسمع شكايه وصبرى ودعايه
يرضيك عمايل ابنك معايه
أل إيه عملى شله ودعايه
شباب حارتكو قالين قيمتكوا
شايفين حياتهم بزاويه تانيه
ومعنتش أعجب بيقولوا دبدب
شكلك مكبب وصوتك مهبب
روح ياله غادى طبل وطبطب
فاكرين صباهم هيعيش معاهم
فى دنيا خاينه تغدر فى ثانيه
أخدت رجال عدوو القنال
فى زمنا كنا أجدع رجال
نخشى الملامه وشهامه يامه
طبع الرجوله سايب علامه
أما العيال دى احلامها وردى
والود ودى أمشى وماأعدى
لكن عشانك مأدرشى افوت
من غير سكوت اصحى يا نايم
واحد الرزاق تن تى تن تن تن
،،،،،،،،،،،،،،،،،،،،،،،،،،،،،،،،،،،،،،،،
بقلمى / عادل دبل / 11 رمضان / 2019
ليست هناك تعليقات:
إرسال تعليق