خارج حدود الزمن
============
عونى هشام
==============
عونى هشام
==============
خارج حدود الزمن
كان من زمان بيدور
الترس جوه. المكن
والخير معاه مبدور
مات سره راح واندفن
ومين عليه الدور
الفكر تاه مننا
والغش بقى دستور
القطن كان عزنا
والكل بيه مستور
باعوه وفاضل. لنا
سرطان سكن ف الدور
يازمان تعال ضمنا
ونرجع الكستور
حقيقى كان سترنا
مع بيسه والدمور
الرز كان اكلنا
وزراعته كات فى النور
سرقوا. المياه. مننا
والارض صبحت. بور
الحمل. فوق كتفنا
والضهر. بقى مكسور
طب ليه ياناس كل دا
وليه . الفقير مقهور
لو كان دا معمول لنا
يبقى. القرار. مسحور
بالهمه. يرجع. لنا
ونكشف المستور
نشمى الطريق كلنا
لو. كله ادى الدور
خارج حدود الزمن
تركوا حجر وقبور
كانت حضاره وكان
طب واحنا فين من كان
خلى الطابق مستور
======++++
الصوره مهداه من الاستاذ كمال العطيوى
ليست هناك تعليقات:
إرسال تعليق