قرداتى🤢
=====
قرداتى سارح بالزمان قرده
متنططه دنيته خايسه وبتعانده
هى الخيانه طبعها هو الأمان عهده
خانقه رقبته بحبلها وهى بتشده
يصرخ يهاتى ليلاتى وهى بتصده
طالب يراضيها وبرضه بترده
بيضحك المخاليق ماليه الدموع خده
يادنيا عيب إختشى مدى حبال وده
دنيا القرود هى إللى بتسانده
سودانى أوموزه يقسمها مع قرده
وبسمه صافيه فايحه بعبير ورده
فى الليل ونس شادد على يده
وبالنهار أنهار تروى للجميع شهده
=====
بقلمى سامح توكل أبوالسبح
ليست هناك تعليقات:
إرسال تعليق