لا تنسوا العاشر من رمضان
&&&&&&
فى اليوم العاشر من رمضان
والدنيا صيام
و ف عز الضُهر
..أعدائنا مش واخده خوانه
و كات شيفانه
فى نكسه و قهر
جات ساعة الصفر
قصرنا العصر
و بسم الله و النصر لمصر
أيوا يا سينا
لازم ترجع أراضينا
يا شهاده..يا نصر
شيلنا كفنا على اكتافنا
ماعدش الموت بيخوفنا
و لا خوف من شر
نسور فى السما
و عبور القنا
و محينا بارليف
و رفعنا علمنا
جروا قدامنا
بشكل مخيف
و ف ست ساعات
أغلبهم مات
و أسرنا كتير
من دبابات كات إعلامها
مش إعلامها
(مصًفره امبير)
عالم فى ذهول
شئ مش معقول
الله يا سادات
شافنا تعبنا
قبل الهدنة
بمفاوضات
و رجًع سينا
الغاليه علينا
و استشُهد مات
و جانا مبارك
خاض فى معارك
باقى الأرض
و رجع طابا
هايمه صبابا
و صاينه العرض
و شوفنا سينا بتتوضى
من نيل فضه
و بتصلى الفرض.
ليست هناك تعليقات:
إرسال تعليق