مسحراتي و انادي ع اللي مش مرتاح
قوم يا ابن هذا الوطن... و ازرع ترابه سماح
و ادعي الإله ف السما.. يجعل لليلها صباح
انا هادعي زيك كدا يملاها خير و سلام
و شجرها يطرح رضا و يوماتي مش بالعام
علشان يهل الأمل فيها مع الأحلام
مسحراتي انا لكن بدون طبلة
كاره كلام النفاق و الروح ماهيش قابلة
هتقول لمين و الورود فوق الغصون دابلة
مسحراتي يتيم و اليتم بقى عيبة
ف وسط ناس عرفهم الغدر و الغيبة
رمضان كريم ٠٠ إنما ٠٠ بين خلق هليبة
ليست هناك تعليقات:
إرسال تعليق