★قصه شهر رجب★
لما رسول الله
رب الكون اصطفاه
النار قادة ف قلوب
اعداء الله
ف قريش بلد رسول الله
وبالعذاب عذبوه
من غير مايراعوه
مع انه حبيب الله
كمان آذاهم كان
لكل من آمن معاه
جمعهم بقلب حنون
وقال لهم ف الحبشه
مالك عادل ما يعرف يخون
روحوا له يامسلمين
هو هايحافظ عليكم
من اعداء الدين
راحوا وعاشوا ف حماه
وبقى قمرنا الرسول
وحيد مهموم ياولداه
قال يروح الطائف
يمكن يحبوه
وعن همومه ينسوه
اتاريهم زودوه
قاعد يدعى الله
وسمع ربى دعاه
وف رجب كان إسراه
وكمان كان معراج
هديه ربنا لحبيبه
وحببنا كلنا
علشان يسعد بيها
قلبه وقلبنا
ف اليحيا رسول الله
إللى قلبى معاه
وكمان نفسى فداه
لبيك ياحبيب الله
بقلمى✏ جيهان الطنطاوى
ليست هناك تعليقات:
إرسال تعليق