من القطار للعباره
************
1 من القطار للعباره
بدموعنا قلنا يا خساره
اطفال شباب شياب بتموت
اهمال بدرجه جباره
***********
2 اهمال فساد على كل الوان
والخوف علامه فى كل مكان
رخيصه يا حياة الانسان
وحكومه فاكراها شطاره
**********
3 وحكومه رايحه حكومه جايه
والشعب هوا اللى ضحيه
مسكين مالوش ابدا ديه
والعجله دايره ودواره
*********
4 والعجله دايره الله يسلم
دروس ولا احنا بنتعلم
مكتوب شعوبنا تتألم
علشان مفيش اى اداره
**************
5 علشان مفيش تخطيط وضمير
الوضع لازم يبقى خطير
ياناس حرام الامر كبير
دى النار بتولع بشراره
******
من القطار للعباره
بدموعنا قلنا ياخساره
اطفال شباب شياب بتموت
اهمال بدرجه جباره
***************
للشاعر/ عادل الشريف
ليست هناك تعليقات:
إرسال تعليق