يا حنيّنة
--------
يا حنينة يا أعز الناس
ياللي فؤادك زي الماس
كلك إيمان طيبة وإحساس
وإديكي الواجب تنباس
طول عمرك بتدي وتدي
لو قصَّرت بتيجي تودي
دانتي يا أمي أغلي ما عندي
ياهدية ..من رب الناس
مهما عملت مش ح اوفيكي
لو روحي وعمري أديكي
لو احط العالم ف إديكي
وجمايلك ع العين والراس
حرمتي روحك واديتي
بكل حبك ربيتي
ونمت وسهرتي ليلاتي
وعيونك باتت حراس
لولاكي إنت ما كنت أكون
يام الفؤاد طيب وحنون
عليكي وصي إله الكون
بالود .. ولكل الأجناس
أم الشعراء
سامية سليمان
ليست هناك تعليقات:
إرسال تعليق