لو هاتقدر .. !!!
...................
مش هاينفع فيها منطق
لو حاولت مش هاتقدر
ماانت طول عمرك تعافر
كان وجودك إمتى يفرق
قولي مشوارك بحاله
يوم ماقلت لابد اسافر
مين عليك الهم شاله
يالا روح وياريت ماترجع
دنيا من غيرك هاتحلى .. !!!
إنت عبأ علينا دايماً
بس شاطر ف المسأله
كل حاجه عايزها سهله
والشمال ليه عايزه أيمن
لسه عايش ف الكآبه
حتى بؤسك فيه رتابه
خف حبه من مطالبك
أصل يابني الدنيا غابه
قوم وماين للديابه
ولا اقولك
عيش ف همك .. !!!
لو دموع الشكوى سالت
دمعتك يمسحها كُمك
بس لو عنك ومالت
يبقى تنسى حتى إسمك
لو هاتقدر .. !!!
........................
للشاعر / أحمد أبو عاصم
ليست هناك تعليقات:
إرسال تعليق