بكرة جاى ... للشاعرة / راوية حسن

بكرة جاى وانا اكيد مستنى
وبكرة جاى اكيد وحيبتسم لى
وفرحى هأجله لبكره
حتى اليوم ولا امبارح
حقوله تعالى بقا بكرة
ده بكرة ده من ايامنا
اكيد يكون حيسعدنا 
يخرجنا يرجعنا يقابلنا
بحبايبنا
وبكرة ده اعز ايامى
هنام واصحى ده احلامى
احققها وادلعها والاغيها
دى قدامى
يا بكرة اوعى ماتيجى
ده غيابك ده على عينى
تطمنى تريحنى ترجعنى
وتجينى
وانا راح استنى م الليله
اكيد بكرة ده ضليله
يضلل على باب بيتنا
يزين لحد عتبتنا
ويفرحنا ويخلينا
الفرحه تبقى فى عنينا
الله على بكرة اللى جاى
اكيد بكرة مالوش زى
وهو النور وهو الضى
وهو عمرى اللى جاى
خلاص حستنى يا بكرة
..................
للشاعرة / راوية حسن