مش حاسس بيه
.....................
ليه دايما مش حاسس بيه
ليه قلبك مافيهوش حنيه
دايما شارد وبعيد عنى
ولا بسمع منك ملاغيه
بتوه منى وتروح عنى
ولا مره تبعت اغنيه
ببعت مراسيل بنهارى وليل
ولا يوم منك مرسال ليه
ترتاح وتنام وتعيش فى سلام
وسايبنى على طول وحديه
أنا ليلى طويل واستنى كتير
ولا يوم بشوف النوم بعنيه
قاسى وعنيد وتقول مواعيد
ولا عمرك وفيت وعدك ليه
أنا دوبت خلاص وكلام الناس
ولا اثر فيك يوم يا عنيه
قول أى كلام أصلك يا حرام
ولا حاسس يوم أصلا بيه
حنسى واروح مش حبكى وانوح
ولا تستاهل يوم دمع عنيه
حنساك ما خلاص ضاع الاحساس
ولا فاضل منك حنيه
...........................
للشاعرة/ راوية حسن
Rawya Hassan
ليست هناك تعليقات:
إرسال تعليق