مالك حبيبي .. فهمني ؟ ........ للشاعرة / فاطمة عقل

 

مالك حبيبي .. فهمني ؟
جرالك ايه .. طمني !
وليه قلوبنا بتتألم ...
وليه بئا بتزعل مني ...
في اايه ماتحكي لو هتلوم

رد عليا وكلمني ...
حقك عليا بدون ماتقول
زعلك دا والله بيدبحني
اضحك حبيبي واتبسم
دا الضحكه والله وحشتني
صعب اني اشوفك تتألم ...
وانت اللي زعلك زعلني ...
دا انت ياعمري بس ف كوم
والدنيا بعدك كوم تاني ....
انت الحبيب اللي انا ريداك
وانت اللي عمري وقلبي معاك
كفيانا فرقه انا بستناك ...
وعارفه ان مابهونش عليك
بزياده تقل انا قلبي معاك ...
ياجميل تعال انا بستناك ...
بقلمي : فاطمة عقل