الوحدة في حكاية
........
ألباب موارب واللي جوة وحيد
طوابير عددهم غلوشة تفكير
كام واحدة فاتت يمه في التواريخ
كام جرح كان من هجرها غيره
ساعات بيبرق سن ست سنين
من عهد أول خطوة في التعليم
البنت قالت والولد سامع
بس الكلام معنى ماهوش تأكيد
السندوتش اللي اتقسم نصين
والوقفة على باب الفصول
بيراجعوا واجب حجة ف الحوارات
وشريكة في التختة ومبادلة الأقلام
والوردة ع الجلاد مع حرف من اسمها
والسن يسمح بس ماسكة ايد
والعقل غايب عن مشاعرهم
وغيرها إعدادي أخطر مجال تلاقيه
خجل البنات من لمسة على سهوة
وما كانش قاصد بس إرتعش يومها
كان الخصام اللي ما بين الاتنين
نبضة أمل للبنت في التكرار
والواد عبيط فاكرها زعلانة
بعد الخيال سبب ملل وفراق
والعنصرين الصدفة خلتهم
أضعف مراهقة ف دنية الأحباب
البنت خايفة من بحور الغدر
قفلت جدارها
عن جملة حبوها
واستسلمت قبل اللقا لفراق
والواد بيبعد كل رغباته
وف كل مرة يقابل الألفة
يجني عليها بالسكات مرة
والتانية يقنع نفسه فيها عيوب
والتالتة منها لحد بعد الألف
تتعدد الأسباب والوحدة مكتوبة
كل البنات براه
حدوتة ورواية
ودا جمع كل حالات
الوحدة ف حكاية
........ ...
قلم /علاء الدين علي
ليست هناك تعليقات:
إرسال تعليق