التحدي
ليه يا دنيا واقفة ضدي
تاخدي كل شئ في يدي
فاكرة أنك هتكسريني
لو تملي تهيني ودي
أيوه يمكن حظي خاب
لما آمنت للأصحاب
عمري يوم ما جه على بالي
إن الطعنة من الأحباب
كنت كتير بصبر نفسي
رغم أنك كنت بتقسي
وأقول هو دا طبع الدنيا
زي الموج تهيج وبترسي
لكن ظلم الناس جنني
عمر الظلم في يوم يسكني
كنت بسامح ديما وأنسى
وهما ليه ديما ظالميني
لكن بحلف برب الكون
مش هستسلم مهما يكون
هفضل برضه قلب حنون
فاتح بابه للي يصون
وأغزل حلمي لصبح جديد
ينور لكل قريب وبعيد
دنيا جميلة فيها الأخلاق
تاج يزين كل وليد
يبقى الصدق فيها أساس
والأخلاص قمر وناس
والوفاء شعاع من نور
يدخل كل قلوب الناس
بقلم / الشاعر مصطفى كرم
ليست هناك تعليقات:
إرسال تعليق