....(( أنت مين ؟؟ ))....
قولي أنت.... تبقي مين ؟؟
حاولت معاك ...مرة و اتنين .
أٔفكرك..... ترد الدين
عملت ناسي.... و لا راسي
و تقول لناسي.. أجيب منين ؟؟
قولي انت.... تبقي مين ؟؟
وقت المصالح ..لقيتك
ملهوف عليا.... في بيتك
و باليمين ياما إديتك
و لما طلبتك ما لقيتك
و تروح شمال و تروح يمين
قولي أنت ....تبقي مين ؟؟
لما إنتهت .....المصالح
كلامك بقي مُر .. و جارح
صبر و حنضل ...بقي طارح
و نسيت من أصلك... أنا أبقي مين
قولي أنت ....تبقي مين ؟؟
فاكرها دايمة .....للماشي
دنيا غرورة .....ما ديماشي
كل كلامي ...كان ماشي
وما كنت أمامي... ترفع عين
قولي أنت..... تبقي مين ؟؟
مصيرك تنزل ... للواطي
تنزل لأصلك .....الواطي
و هترجع تجيني.. و تطاطي
يومها هتعرف ...إنت مين
قولي أنت ...تبقي مين ؟؟
ياريتك تفهم ...العبارة
دنيا غرورة .. ..و دواره
لو ركبت عباره ...و طياره
و بقيت في يوم ...كُباره
ماتنساش أصلك .....أنت مين
★★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق