و انا راح أشارك ليكي
و اهني باغلي حروف
و هاحيي مع أحمد
ابني عمرو و اضيف
ده انا طول عمري بأحب
بأحب الميري حب شريف
و أما دخلت الجيش
رقوني فيه عريف 
أحلي سلام مغ اغلى
تحيه باعلي كفوف 
ان كان ظابط جيش
أو شرطه الكل شريف
الله يبارك فيه و يخلي
ابو دم خفيف
و لا يوم نلقي منه أسيه
و لا تخويف
و يكون ظابط ميه
الميه و قلبه نظيف
و يطارد كل الحرامية
بدون تكليف
و تعيشي و تشيلي
ولاده بقلب عطوف
و تشوفي بعينك علي
كتفه نسر و سيف
الشاعر:.. ناصر العوضى 
تسلملى، يابو قلب... نظيف
يابو حرف مافهوش تزييف
شاعر ماهر ومالو هدومك
وبشاشتك جواها... تعريف
الشاعر :: محمود صابر
الله يبارك فيك محمود
يا ابو قلب نظيف
انا على قدي مش
شاعر زيك معروف
و باعلق للكلمه الحلوة
بدون تكليف
اصل الشعر ده نبضي
و دمي ما هوش تأليف
الشاعر:: ناصر العوضى
بعد صباح إلخير و النـــــــور
و حروف ورد و احلى زهور
بادعي و اقولك تسلم صابر
شاعر طيب جـــــــــد و قور
الشاعر :: ناصر العوضى
بعد صباح الخير......... والورد
نفسى اعيش، اللحظة ب جد
واكتب على بحر،..... حروفك
انت جميل ومافى زيك. حد
الشاعر:: محمود صابر ....
صباح فل لقلوب غاليين..
صباح ضحكة بتتمخطر..
تروح ترمح لقلب حزين..
تــرش بهــجة وبتعـطّر
الشاعرة: سماح خليفة
أحلي تحية و احلى صباح
علشان ست الكل سمــــاح
و لمحمود صابر من قلبــي
َكل محبة و رضا و سمــاح
الشاعر: ناصر العوضى
احلى تحية واحلى.......... كلام
للحاج ناصر والست...... سماح
بكتب حرف وبرمى،..... سلام
قلبي ف لحظة الاقيه. ارتاح
الشاعر:: محمود صابر
يسلم حرفك يا محمــــــود
حرف جميل بالخير ممدود
طاير فوق السما بكلامــــك
و لا لمشاعـــرك اي حـدود
الشاعر: ناصر،العوضى
كل كلامك شوق........ شجون
وانا من عندى، بكون. ممنون
حرفك دايما سابق..... الخير
ماانت اصيل وبقلب حنون
الشاعر:: محمود صابر
أحلى تحية أحلى حضور..
صحبة جميلة جايبة سرور..
رب يديمها ربي يصون..
جوّا سمايا بشوفها بدور
الشاعرة:: سماح خليفة
احلى تحية من قلب..... سليم
بدعى ف نفسي بقول يارحيم
ابعد عننا، كل.............. شيطان.
ابن لذينة..... مكير......... ولئيم
.الشاعر:: محمود صابر
و محبة لوجه الله..... بتعيش
لا فيها مصالح أو..... . إنّـه
إجري يا هم بعيد. متجيش
الصحبة الصالحة أجمل منه
الشاعرة:سماح خليفة
ومحبة بين قلوب الناس
بتشفى جروح... ملايين
اكتب بمشاعر، واحساس
وبدل حروفك ب يقين
الشاعر: محمود صابر
أنا و الله حقيقي ممــــــنون
صحبه جميله و احلى مكان
لو كنت أعــــرف إن ديوانك
هايجمعني باحلـــــي اخوان
كنت صاحبتك و اترجيتــــك
تعمل ليا يا صاحبــــي ديوان
الشاعر:ناصر العوضى
وانا الله حقيقى........ فرحان
ب صحبة جميلة ترد الروح
انت بجد شاعر..... .. انسان
انا وياك مطرح.......... ماتروح
انا اصلا مستغرب........ جدا
ازاى انت مالكش........ ديوان
كل حروفك معنى....، ومغنى
وكاريزما بتنثر............ ألحان
الشاعر: محمود صابر
أنا دواويني جوا في قلبـــي
جـــــواه الف و ألف ديـــوان
با تنفس اشعار و أشــــــربها
في الكوبايه أو الفجـــــــــان
حتى طبيخي لو يوم باطبخ
باشوي بقافية مع المــوازين
و اما بانام باحلم و كــــــاني
عايم في بحور الاشجــــــان
اصحي وألاقي لساني بينطق
و اكتب بايديا الاتنيـــــــــــن
الشاعر: ناصر،العوضى
انا حرفي إحساس وحياه
ساعات يتوه ساعات القاه
لكنه وليدي وانا امه
ومين في الدنيا ينسى ضناه
الشاعرة: سماح خليفة
طبعا مين غيرك يرعــــــــــاه
ابنك و بحضنك مـــــــــــأواه
حرف جميل و رشيق خلاني
اقرا و اعيد و اقــــــــول الله
الشاعر:: ناصر، العوضى
إنت كلامك ب ألف ديوان
جواه فكرة ومعنى، وروح
والمضمون إنك... إنسان
بتبنى الحرف سكينة وبوح
كل الناس تتمنى،تصاحبك
لانك حد جميل..،وطموح
بدعى لربي يصلح حالك
وتزرع م الأفكار. ضروح
الشاعر: محمود صابر
تسلم يا أستاذ محمـــــــــــود
ربنا فيك البركـــــــــــــه يزيد
مهما هأقول من مدح و اعيد
برضوا مقامك ماله حـــــدود
إنسان طيب قلـــــــــبه ودود
و الحب في حقك مشهــــــود
و كلامك في الشعر سلاســــل
حلقاتها زمرد و ياقـــــــــــوت
بستان زهر و كله ...... ورود
الشاعر: ناصر العوضى
أتمنى من العلى القديرأن ينال السجال إستحسان الإخوة
المبدعين الأفاضل
تسلم الايادي
ردحذف