الكلمة عقد
والوعد عقد
وكلمة بحبك برضو عقد
وانا عقدي مليان بالشروط
هتحبني؟... حبني موووت
مش حب مدهون بالغزل
او حب تافه مبتذل
او حب محروم م الثُبُوت
اصل الكلام سهل وبسيط
والحب مش رغي وصويت
او سهم بين قلبين ف حيط
الحب مش حبة كلام فوق الورق
الحب يعني مسئولية
ابقى ليك وتبقى ليَّ
اني احس ان وجودي
بدون وجودك
اه فرق
الحب حالة من الايمان
ايمان بربك
ايمان بقلبك
.ايمان بإنك ليك هدف
تمشي وراه وتحققه
مش تهمله وتغرقه
ولا تسيبه تحت رحمات الصدف
الحب يعني خد وهات
مش حد عايش وحد مات
الحب تضميد للجروح
يعني روح بتعيش ف روح
الحب تهذيب للشعور
الحب اغلى من الفيلل ومن القصور
الحب كوكتيل م الحاجات!
ليست هناك تعليقات:
إرسال تعليق