لما قالوا الفجر جانا
شوفت طير فارد جناحه
بياضه ناصع بياض سمانا
أو سحابه تكون حدانا
ولما قلنا الله أكبر
لقيت الطير بيقول معانا
بصيت لفوق
شوفت ملايكه كانت غطانا
وكل جندى شايل سلاحه
يهمه بلده ما تهمه روحه
قال الشهاده فرض وعباده
ولما يقدر طبعه السماحه
جاب حق أخوه
وخلى روحه تنام براحه
كان فى صيامه رافع مقامه
عند ربه وعند قومه
ربك نصرنا وكمان عبرنا
وخدنا تارنا
واليوم ده يومه
تاريخنا سجل لولاد بلادنا
لو صابّه كبوه
ينهض ويصلب بقوة طوله
كنيس وجامع
للكل جامع
ادعى ربك دايما يصونه
...........................
للشاعر / ممدوح عرابى
ليست هناك تعليقات:
إرسال تعليق