قلوب سوده
============== عونى هشام
بيلومونى عشان بحبك
هم مالهم ما يسيبونى
حتى لما اجيب فى سيرتك
يبقوا عايزين يبعدونى
يفرحوا ان قلت افترقنا
يهنوا بعض عشان فراقنا
قلت ياه ما احنا اتعاركنا
وبغباؤهم صدقونى
اوعى تمشى يوم وراهم
حاسبى دايما من هواهم
دى ناس ازيه الله ابتلاهم
معرفش ليه بيكرهونى
سمى باسم الله عليهم
لو ايديك تلمس ايديهم
الحقد ساكن جوه فيهم
بضحكه صفرا جننونى
اعمل يا ناس قولولى
لاعندى جاه ولا سِنه لولى
قفلت بابى جم نادولى
فضلت افكر ليل بطولى
نفسى اهرب من هدومى
نفسى اعيش وحدى ليومى
نفسى اعيش ويا الحبيب
نفسى اشوف صورته بعيونى
شفت ياما صنوف بشر
بس دول م الناس خطر
لاعبتهم بيضه وحجر
ماعرفوا لحظه يبعدونى
ساكن فى قلبى يا حبيبى
مهما قالوا ما رح تغيبى
انت قدرى وفيك نصيبى
انت فيك حبى وشجونى
مهما قالوا مهما قالوا
انت حبيبى
============
ليست هناك تعليقات:
إرسال تعليق