توب الألم
لبست توب الألم
ومشيت بيه في السوق
أجر قدم ورا قدم
وأقول بكرة تروق
وكان عندي أمل
يروح الألم بالزوق
لكن كنت سكران
وكيف سكران هايفوق؟
خلعت توب الألم
ولبست توب الفرح
وعملت قال فرحان
اتلموا عليا الحبايب
والصحبة والجيران
يهنوني قال ع الفرح
ونسيوا إن القلب
بالحزن ليه مليان
قولت الألم أنساه
والفرح ييجي معاه
لقيت الفرح لحظات
والألم طال ساعات
لكن هما الإتنين
راحوا بإذن ألله
لا فرح ياناس بيدوم
ولا ألم كمان بيدوم
ليه تعيش مهموم
ف الدنيا يا عبد الله
وهبه البوهي
ليست هناك تعليقات:
إرسال تعليق