الجرح علم
********
الدنيا فضيت ليه كده ادام عنيه
مبقتش عارف مين معايا ومين عليه
كل اللى حيلتي قلب صافي مش بيكره
مالك يادنيا بتشمتى وفرحانه فيه
حبايبي راحوا لسكتك وفاتوني وحدي
اقاسي ناري في وحدتي ويزيدوا وجدي
براحة على قلبي اللى حبك
ولا أنتى نفسك تشمتي واموت ضحية
يادنيا نابك عضني والجرح علم
ولا عمر حضنك ضمني او حتى سلم
حرام عليكي كل لحظة تموتيني
طب حني علينا مرة ولو شوية
القلب دايب م السفر علشان عنيكي
هو اللى حبك كان كفر حرام عليكي
سقياني مرك بالكفوف والجرح علم
اه ياانا منها ياغربتي ومن الأسية
حنان الحسيني
ليست هناك تعليقات:
إرسال تعليق