حبك قدر
=======
كنت لية حاجات كتير
حاجة اغلي من حياتي
حاجة كانت ضيعة مني
ضحكة مرسومة في سكاتي
سطر من بين السطور
شمعة بتنور حياتي
قصة كانت جوه مني
صحت النبض لمماتي
داوت الجرح القديم
واتنست اصعب ساعاتي
قلبي قالي كنتي فين
موت جمبك من اهاتي
بعد جرح عاش سنين
عشت اجمل حكاياتي
كنت حاسة اني طير
بطير وبفرد جنحاتي
ياللي جدت الحياه
غبت لية عني ليلاتي
نفسي اعرف انت اية
كنت حلم حلمت بية
ولا نبض في ذكرياتي
اة لو تسمع اهاتي
صوتي بيناديك يوماتي
ياللي كنت نور حياتي
صعب تصبح ذكرياتي
ياللي بتناديك عيوني
ليلي زدات في شجوني
دمعي دبل لون جفوني
رمشي دايب من دمعاتي
عمري راح في طريق طويل
سكة شوك مفيهاش حرير
وام جتلي سكنت قلبي
شوفت اجمل مستحيل
شايفة طيفك حولية
بيقرب يمسك ايديا
روحي كانت يومها حايرة
حاسة اني شايفك قصادي
قول يا حب عمري كله
ياللي حبك لقلبي ضله
لما غبت عن عيوني
شمسي نارها عذاب يوماتي
مستحيل انسي الحنين
انسي اسمك عا الجبين
انسي قدر جمع مابنا
عيشنا اجمل حب اتي
عمري كله هعيشه ليك
حتي لو حلمك مماتي
#إيمان رضوان#
ليست هناك تعليقات:
إرسال تعليق