انا ابن الريف الشقيان
ودمعته على الخد
انا إللى دمعتى موصوفة
فى كتاب الجلد
انا ابن الوطن المتغرب
وبحلم بريحة الورد
أشم الورد فى كفوفى
وانسي الهم والذل
واصون الوعد
أبنى مدينة فى جوفى
وارسم خطايا وظروفى
واتعلم من خطى حروفى
إنى مهما غبت أوبعدت
أو سرقتنى الغربة
حابنى جدار لنفسي
له ألف سد
أنا ابن الريف المتبهدل
فى بلاد الغرب
بكتم جوابا أوجاعى
وبعيش فى كرب
بحلم بدنيا جميلة
مفيهاش الغلب
أضحك وانسي همومى
مع رفيق الدرب
واعيش البسمة والضحكة
وخبي الدمعة فى جفونى
كأنى عايش الحب
ياااااااااااه على ابن النيل
إللى شارب الويل
وطافح الكوتة
وعايش ذليل
بيهون على نفسه
طول الليل
يضحك ...يكتب ..يرسم
والفرح ويااااه قليل
قال الضحكة تشفى العليل
وانا مين يضحكنى
ويرسمنى طيف فى هواه
واكون له عابر سبيل
أنا عندى مليون دليل
إن ابن النيل
جواه سلطان زمان
بس الفرح إللى ساكنه قليل
ليست هناك تعليقات:
إرسال تعليق