الصلا ع
الزين
الزين
لو حبيت انك تتهني
تشبع م الجنة وتستني
أو حبيت قلبك يطمن
وتشم نسيمها وتتمني
انك ويا الحور العين
وملايكة معاك ع الصفين
بيباركولك ويغنولك
صلا ع الزين الصلا ع الزين
لو صلينا عليه علطول
قلبنا بيه حيكون مشغول
واما تملي عليه بنسلم
حيكلمنا كمان ويقول
دولا حبايبي ليوم الدين
مشافتهمش صحيح العين
لكن سيدنا النبي ياخوانا
وصي صحابه علي الحلوين
اللي يصلوا عليه في زمانا
واتبعوه علي نفس السنة
قال احبابي وانتوا اصحابي
ومعادنا معاهم ف الجنة
صلي وسلم ع المختار
مش ح تقرب يوم م النار
وييسر لك ربنا حالك
وتكون دايماً م الأبرار.
تحياتي
شيخ السجالات
البدري زايد
ليست هناك تعليقات:
إرسال تعليق