أنا أهلك أنا ناسك
وحضن الليل بالمواويل
انا الفرحة اللي بكتابك
وحكمة بكرة بحياتك
ونور الضلمة والقنديل
انا فرشك بحناني
اهونلك جفا الايام
انا غطاك بصبري
ولا احكي عناك لاي لءام
انا بنسي معاك تعبي
بشوفتي ضحكتك وياي
وعمري خلاص انا لقيته
يوم مقابلني هواك
عينيك طارحة سنابل طيبة
وشمس ومية بعيونك
تطمني انا ليكي ضهر و زاد
مين اللي قال عن حزني
انا حزني نسيته خلاص
اويمكن ماصادفني بلاش
نقول تاني عن اللي فات
انا دلوقت فرحانة
طفلة بفستان عيد
ونايمة لعبتها وياها
بتحلم بيوم العيد
وفرحتها بالمواعيد
وشمعة جواها بتقيد
تنور كل ايامها
وايام الحب والتنهيد
عشان
خاطرك حخليها تزيد
للشاعرة / ايمان محمد
Eman Mohamed
ليست هناك تعليقات:
إرسال تعليق