تعبت انا من الكلام
وزهقت من كتر الملام
والناس نفوسها اتغيرت
وانا نفسى كمان اتحيرت
الناس بتبص فى المرايا
توصف وشوش
وهم أصلا فى الأساس
مابيشوفوش
نفس تعبانه عليله
وكلها رتوش
ونسيو القلوب اللى
ماتتقاس
ولا يساويها ابدا
لا دهب ولا ماس
قفلت عليا بابى
بميت ترباس
وكمان قفلت ودانى
عن كلام الناس
اللى اصبحت قلوبهم
ماتساوى نحاس
خلصت الرحمه من الدنيا
ارحمونا خلاص
انا كرهت الدنيا من
كتر مافيها نفاق
والكل اصبح فيها
يا عزيزى افاق
وامتى تانى حنرجع
ونقول يا وفاق
مابين الناس وبعضيهم
حصل اختناق
يارب تصلح ما بينهم
وتطيب من تانى قلوبهم
...........................
للشاعرة / راوية حسن
ليست هناك تعليقات:
إرسال تعليق