الأربعاء، 22 أغسطس 2018

حالك قلب . للشاعر / عادل الهواري






بقى جالك قلب تنفضلى
قدام الناس تنكر فضلى
وفى وشى كمان تقفل بابك
من غير ماتقول على اسبابك
ولا حتى تجينى تفضفضلى
............................
فى ميدان الاوبرا تودعنى
على نار الهجر تلسوعنى
أنا لسه جايبلك فى جيلاتى
وفطارك من جيبى يوماتى
تقسى ومن قلبك تخلعنى
............................
طب جالك قلب تعلقنى
بلاويك وعمايلك تفلقنى
قلبك ليه كده دايما قاسى
فى الجد الاقيك تعمل ناسى
وفى حلم سراب بتشعلقنى
............................
على رجلى واخدنى تلففنى
وتروح من غير ما تسلفنى
تخلع ومفيش بجيوبى جنيه
تواسينى تقولى راح اعمل ايه
لو اعاتبك تيجى تبستفنى؟
.......................................
للشاعر /  ابومصطفى الهوارى
 Adel El Hawary

ليست هناك تعليقات:

إرسال تعليق

فن البوستات كمال العطيوى