خروف العيد
..................
سح الدح يا خروف نطح كدا بالقرنين
يا خروف العيد يا مليح وكبير وكمان كدا زين
ربنا يحرسك من الناس الشر وكمان من العين
لابس كدا صوف وعلى راسك تاج من قرنين
نصلى العيد ونجرى وراك ونقول طب راح فين
وتقول ماء ماء وكلنا ليك كدا على طول سامعين
ويوم العيد بعد الصلا إحنا ليك دابحين ومضحيين
يا سلام على طبق الفته كدا بالليه الضانى والضلعين
ونوزع على الغلابه وراح ياكلو كمان من الوركين
يا أجمل قصه لسيدنا إبراهيم وابنه إسماعيل من سنين
إتعلمنا منها معنى الطاعه كدا لله وللوالدين
سح الدح يا خروف نطح كدا بالقرنين
.....................................
للشاعر / رضا حسب النبى
ليست هناك تعليقات:
إرسال تعليق